منتدى عين معبد الصاعد



 
الرئيسيةبوابة عين معبدمكتبة الصوربحـثالتسجيلدخولتسجيل دخول الأعضاء

شاطر | 
 

 قصيدة شعبية تصف عادات وتقاليد أولاد نايل

اذهب الى الأسفل 
كاتب الموضوعرسالة
عين القرية
----------------------------
----------------------------
avatar

الجنس : ذكر
البلــد : الجزائــر
عدد المساهمات : 3
نقاط : 9
السٌّمعَة : 0
تاريخ التسجيل : 10/10/2009

مُساهمةموضوع: قصيدة شعبية تصف عادات وتقاليد أولاد نايل   السبت أكتوبر 10, 2009 1:58 am

وقفة مع الشعر الملحون



في هذا القصيدة جمع الشاعر أغلب عادات المنطقة وعادات أولاد نايل.



باسمك ربي خالقي نبدأ انظم ** كلمة سهلى نكمل مبداها
فالجلفة وأولاد نايل نتكلم ** سلسلة الأشراف يسعد من جاها
أهل الهمة و النيف ولمعاد الكرم ** وأهل الدين أصلاتهم في وقتاها
فرسان البارود مافيهمش الذم ** بيت الضيف أمفرشة يا مبهاها
بزرابي و مخاد عندك لازمهم ** و فرشات موزقة فرشناها
والبدوية بيدها تقلع وتخدم ** زربية و فراش ووساد معاها
والقهوة بالشيح ريحة تتنسم ** في برادة ضاوية قد مناها
و الفناجل من فرفوري يامسلم ** و لاتاي اللي حب ورقة جبناها
واللي نافح في اللبن عندك يحشم ** في قدحية من شكوتو فرقناها
دقلة نور وزيد قرس أمعرم ** البيت الحمراء ما تعاير من جاها
البوصلوع النايلي للي عازم ** والرفسة بادهان زينة محلاها
بوكعوالة بيه صحرتنا تهتم ** أكلة شعبية جدك خلاها
والمشوي واجناب ملفوف أمدرقم ** بتوابل للضيف وحدناها
و القصرة ميادنا زين أمسقم ** بالحكمة نطقوا رجال أوشفناها
لينا يقصد ضيف ربي يافهم ** يتعشى ويبات قصرة محلاها
المحتاج انكفوه واللي جاء عازم ** و الحقرة محال نرضى لبلاها
وحتى الخيل النايلي يكسب وغنم ** وكحيلة بكري السامع لرغاها
في القنطاس النايلي مكحلتوا ثم ** عادات جدوليه بكري خلاهاالبيت الحمراء
جات في الصحراء مرسم**وعنها يسأل ضيف ربي وين راها
منظرها في الصحراء يفاجي كل الهم **ايريح قلب اللي تعب كي يراها
رنات الخلخال تنطق تتكلم ** ذا البدوية قال سعد اللي خضاها
أغزالة شراد نظرتها تعدم ** والماهر صياد فرق وخطاها
بنت الصيل ابزينها ديما تحشم ** وردة في الصحراء وربي سجاها
الورد مفتح به عينك تتنعم ** و ظل البطمة فيه رقدة محلاها
و طيورة للصيد الفارس دربهم ** كي صبوا صابوا الكبدة و حذاها
ولايتنا ضاقت من الحرب الهم ** ياسر من رجال ضحوا باسماها
جبل بوكحيل اعدونا فيه اتحطم ** والشاهد مازال يروي وحكاها
أمراكز تعذيب للقاسي يتلم ** مزالت لليوم تشهد شفناها



الشاعر : لمبارك المسعدي
الرجوع الى أعلى الصفحة اذهب الى الأسفل
عبد الله
مشرف المنتدى الاسلامي
مشرف المنتدى الاسلامي
avatar

الجنس : ذكر
البلــد : الجزائــر
عدد المساهمات : 192
نقاط : 295
السٌّمعَة : 6
تاريخ التسجيل : 16/10/2009

مُساهمةموضوع: رد: قصيدة شعبية تصف عادات وتقاليد أولاد نايل   الإثنين نوفمبر 15, 2010 12:09 pm

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 
قصيدة شعبية تصف عادات وتقاليد أولاد نايل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى عين معبد الصاعد :: عين معبد وناسها :: منتدى تاريخ عين معبد :: منتدى عادات وتقاليد عين معبد-
انتقل الى: