معاك يا الخضرة..

يارب يا عالي بقاونّا خطوات
من ماء النيل لا تحرمنا بركاتـــو
هذو عوام أرضنا لا روات
ولد الخضرا.. لا سمعنا ضحكاتو
طمعو فينا الكل حيا وموات
لاحو فينا اليد .. إيه يا سنين فاتو
حين كنّا نجول ريسان لوات
و نصول في لميادين زيدو هاتـو
يرهبنا الكل.. فرق تكوات
درس لالمان الناس لْحين لا نساتو
و تعالت حناجر و صوات
ولد الخضرا... قالو الحملة داتـو
عدونا ملغابرين و لموات
لا يحسبونا حساب .. هدية جاتو
لكن عاد النور و ضوات
شمعات قدات و أمل العين راتو
ولادنا.. بلادنا بيكم تقوّات
عدونا الدوخة غمّاتو و غشاتـــو
و كبر الحلم ..لعقول دوات
علام في كل بيت.. اليد نسجاتـو
تحرق دمي و بنار تكوات
أعصابي لا حد منكم حن و شفّاتو
يا خوتي بن عمي يالخوات
يوم ال14ربعطاش مطول حياتو
هذه مواجهة غيرها لاستوات
لا نفرط فيها كي مرّات عدّاو فاتو
بدون مانذكر أسم و نكوات
حب لوطن مليون و نصف ماتو
توفيق من ربي و هدوات
لقلوب تتضرع للخالق.. الله دعاتو
يارب لا تاخذنا عالنزوات
هذو سنين.. ضربات شعبنا نزفاتو
جا الحين الفرح و النشوات
ربي يدومها قل أعوذ العين حماتو
يارب يا عالي بقاونّا خطوات
من ماء النيل لا تحرمنا بركاتـــــو

معاك يا الخضرة